混合式學習
混合式學習（英文：Blended Learning）係一種教育模式，將傳統嘅面授教學同遙距網上教學兩種唔同嘅學習方法融合，透過結合兩種學習方法嘅優點，能夠加強學生嘅學習效率。混合式教學將部分教學內容放喺網上平台或製作成光碟，學生可以喺任何時間睇教學影片、做練習、甚至係參加考試；而傳統嘅面授課堂就可以方便學生直接向老師發問問題。混合式教學模式容許老師可以隨時更新課程內容，充分利用網絡科技幫助學生學習新知識、做練習並可以同其他同學喺網上討論區討論課堂內容[1]。
學習形式
編輯- 固定形式
學生需要出席指定嘅面授課堂，並要達到要求嘅出席率，遙距學習喺面授課堂時間以外進行。
- 同步形式
喺指定時間進行面授課堂，亦可能會用電腦軟件例如：Zoom，同時間進行網上課堂，學生可以自己決定用邊種方式。亦可能會將課堂錄影，學生之後可以隨時睇返。
- 彈性形式
學生可以完全使用遙距學習，覺得有需要嘅時候先至返學校上面授課堂。
參考
編輯- ↑ 〈甚麽是混合式教學？〉。原著喺2021年4月14號歸檔。喺2021年9月18號搵到。