《清史稿》，係一套初步寫好嘅大清國史，由中華民國國史館計劃編修，1914年開始寫，涉及百名學者。
因為中國內戰，所以到1928年無錢再搞。主編趙爾巽唔忍心心血無嗮，自己私底下用《清史稿》個名出版，表示未定稿。因為史官多數係大清時官員，偏向貶低中華民國同辛亥革命，所以出書後無耐就變成禁書。因為清史稿係家下最後一部，用傳統體例寫嘅國史，所以有重要價值，唔少學者將佢當做正史，叫廿五史或者廿六史。清史稿因為部分史官知識唔夠，有唔少地方有錯漏。
