渤海路 (壽光)
渤海路，舊名中心大街，根據位置唔同被叫做渤海南路、渤海路或渤海北路，係中國山東省壽光市嘅一條南北向重要交通主幹道。北起北環路同原S226省道交匯處，南至南環路同縣道壽堯路連接，全長約10公里，1路公交車縱貫南北[1]。呢條路係壽光商業嘅發祥地，壽光市中心最繁華嘅商業區就係呢條路上，呢條路從聖城街到文廟街嘅路段都係壽光市嘅商業步行街。
| |||||||||||||||||||||||
| |||||||||||||||||||||||
名稱
編輯渤海路嘅前身係從聖城街到文廟街嘅中心大街。2001年初，壽光市對渤海路進行咗高標準改造。改造後，中心大街被改名做渤海路[2]。
渤海路分做3段：
- 南環路（胡營路口）至農聖街（啤酒廠路口）部分叫渤海南路。
- 農聖街（啤酒廠路口）至文聖街（人民醫院北門路口）部分叫渤海路。其中，聖城街（佳樂家路口）至文廟街（聖都中學路口）部分係壽光市嘅商業步行街。
- 文聖街（人民醫院北門路口）至北環路（西陳路口）部分叫渤海北路。
歷史
編輯1960年代，渤海路開始建設。
1972年，渤海路開始修整拓建，路面寬度擴展至8米。
1977年，渤海路路面鋪設磚頭、瓦塊，交通條件得到改善。
改革開放後，第三產業開始以渤海路做根據地衍生。
1982年，渤海路進行路面硬化，從文廟街至建新街段全部改做柏油路。
1993年，又對建新街至南環路（今農聖街）段進行咗硬化。
2001年初，壽光市對渤海路進行咗高標準改造同綠化、亮化。改造後，中心大街被改名做渤海路，從北環路（今文聖街）至南環路（今農聖街）全長4289米。
2004年2月29日，渤海路（聖城街至文廟街段）改造工程正式啟動，同年6月30號竣工並開通。改造後嘅路面變做大理石路面，呢路段都係壽光市嘅商業步行街[2][3]。
之後，各色商鋪喺渤海路兩邊越嚟越多。同時間，渤海路嘅交通阻塞問題都越嚟越明顯。
為緩解渤海路越嚟越明顯嘅交通擠塞，提高通行效率，自2011年1月4號上晝7點開始，渤海路聖城街路口至廣場街路口實行機動車（公交車除外）單向行駛，機動車只准由南向北行駛[4]。
呢幾年嚟，隨住壽光市機動車保有量嘅越嚟越多同渤海路兩邊大型項目嘅開工建設，渤海路中段（聖城街至文廟街段）出現咗唔同程度嘅路面破損。即使有關部門成日安排修補，但唔能夠從根本上解決問題。同埋，路面修補帶嚟嘅交通擠塞都引起咗廣大民眾嘅不滿，呢種情況喺2015年係最明顯[5]。
按照壽光市2017年城建計劃，市住建局決定自2017年9月24號開始，對渤海路（金光街至文廟街段）實施改造，將原有嘅大理石路面更換做瀝青混凝土路面，並完善交通標線等設施，改造工程預計將喺11月10號完工。
沿途地標同重要組團
編輯
.jpg)
- 建設大廈
- 倉聖公園
- 凱德華大酒店
- 渤海路商圈
- 佳樂家壽光一店
- 商業大廈（全福元世紀廣場店）
- 名仁摩登城
- 城市假日廣場
- 新華書店
- 名仁新春天購物城
- 陽光春天購物廣場
- 全福元購物中心店
- 百大家電城
主要交匯道路
編輯- 渤海南路
- 南環路（胡營路口）
- 聖陽街
- 渤海路
- 農聖街（啤酒廠路口）
- 建新街（建設大廈路口）
- 公園街（倉聖公園路口）
- 聖城街（佳樂家路口）
- 新興街（新華書店路口）
- 廣場街（購物中心路口）
- 金光街（百大家電城路口）
- 文廟街（聖都中學路口）
- 健康街（人民醫院南門路口）
- 文聖街（人民醫院北門路口）
- 渤海北路
- 英雄路（原S226省道）
- 北環路（西陳路口）
參考
編輯- ↑ 壽光1路 8684公交
- ↑ 2.0 2.1 〈市民講述身邊道路的變化 記憶：渤海路「長」長了〉。《中國壽光網》。原著喺2020-03-28歸檔。喺2015-10-27搵到。
- ↑ 〈渤海路步行街改造工程紀實〉。《中國壽光網》。原著喺2016-03-04歸檔。喺2015-10-27搵到。
- ↑ 〈1月4日起渤海路由南向北單向行駛 市民很自覺〉。《中國壽光網》。原著喺2020-03-28歸檔。喺2015-10-27搵到。
- ↑ 〈時常修補時常堵 渤海路中段怎麼了？〉。《中國壽光網》。原著喺2016-03-04歸檔。喺2015-10-27搵到。
出面網頁
編輯
維基同享中有關Bohai Road (Shouguang)嘅資源類