游水帽
游水帽（粵拼：jau4 seoi2 mou6），又嗌泳帽（wing6 mou6），係游水時帶係頭頂嘅裝備，主要用矽膠或橡膠或氨綸嚟整。佢既可以保持頭髮乾燥，有可以降低向前遊水時嘅阻力，甚至喺長時間游水時，幫頭保温都得。
發展史
編輯早期啲泳客為咗保持佢嘅髮型一致而用咗簡單嘅頭髮網嚟保護秀髮。直到1883年，橡膠游水帽開始正式面世，雖然嗰時介紹游水帽會成為時尚設備，但材質好重，一度冇乜人知。直到1920年代初改用輕啲嘅橡膠乳材質先至有人知，嗰時冚嘅範圍介乎穆斯林佬噉摟頭摟髻同飛行員頭頂帶嘅帽之間，但下巴有條扣響度。隨後無耐變成用橡膠整。1940年代由於戰亂關係，加上多數橡膠用嗮喺軍事，所以游水帽變成奢侈品。不過有位有游水帽嘅女仔嚟保護佢啲秀髮，後嚟有好多女仔費事游完水之後搞亂嗮髮型，加上嗰時電髮要使好多錢，所以班女仔諗住有佢哋嘅游水帽嚟保護佢啲秀髮。隨住時尚業喺1950年代開始發展，1960年代出現咗好多帶色彩同好多花紋圖案嘅游水帽，加上材質變薄咗，而且下邊條扣都冇咗，所以越嚟越多人用。
1960年代尾到1970年代初，由於男仔嘅長髮髮型令泳池啲水質堪憂，所以管理人員開始修改規定，話長髮啲人一定要帶游水帽落去游水。從而1970年代初，游水帽跌出時尚界，一度淪落為普通裝備。到咗1980～1990年代，由於全球各地興起室內泳池，專業嘅游水裝備亦開始興起，所以游水帽亦重新開始流行。
作用
編輯
- 保護頭髮
泳池啲水用氯消毒過，因為氯會整損部分頭髮甚至出現乾枯變黃。重可以唔畀長髮喺水猛咁飄，甚至被扯甩。冬泳時可以幫頭部保温。
- 減少甩髮
既防止塞住泳池嘅水循環系統，又防止游水嗰時手扯到人哋嘅頭髮，甚至防止自己甩嘅頭髮周圍都係。
- 方便救生
顏色比較明顯嘅游水帽好易吸引眼球同埋方便救援工作。若果有帶住游水帽啲泳客遇溺，救生員會第一時間做反應去救。
- 減少阻力
游水帽可以減少水對頭髮嘅阻力。
連出去
編輯- [1] Speedo.com
- The History of the Swim Cap Trails.com
- Swimming Caps History Natural-Swimmer
- 泳帽有咩作用? YAHOO!知識+