滑模

滑模（slip form或者sliding form），又叫滑模技術、滑模建築枝術、滑動模板，係種起嘢方法。用來起啲長形，而形狀保持唔變嘅嘢，好似石屎樓、柱、塔、橋躉、煙囪等等，佢通常用一個通心金屬模，個模形同長條嘅橫切面形一樣。由先模中間會扎好鋼筋，石屎由開頭度灌入個模，等石屎硬咗，再將模推上一段，再扎好鋼筋，再灌石屎，硬咗又推上，如此類推，直到完成為止。

呢個技術令到起嘢快咗好多，因為噉亦都慳到錢。24小時唔停做，可以升七至八米。因為佢係成舊咁做出來，唔會有駁口，唔會咁易有口漏水。個模係可以慳人力，唔使咁多人做釘板。

模唔一定係一件金屬模，有啲模可以有活動位中間伸縮，起個時可以縮窄，起出來切面按長度而變化。家下技術，個模可以做到好多變化。