上海話

上海話（Seong⁴ Hoi² Waa^6*2）（上海話：上海閒話，吳語拼音：Zaon-He Ghe-Gho，國際音標：[zɑ̃̀hɛ́ ɦɛ̀ɦó]），亦叫做滬語（Wu⁶ Jyu⁵）（吳語拼音：Wu-Gniu，國際音標：[ɦùɲý]），係吳語太湖片蘇滬嘉小片嘅其中一種方言，主要喺上海通行，用家估計有一千萬人。由於近代上海開埠，發展逐漸超越以前嘅大埠蘇州，上海話亦逐漸取代咗蘇州話嘅地位。

用上海話講“維基百科，自由嘅百科全書”

定義

上海話有廣義跟狹義之分，廣義嘅上海話係上海地區嘅吳語、即包括有上海城區話跟上海各郊區個話（本地話）。一般來講上海話指嘅都係城區個上海話。

歷史

中古至近古

上海古時屬過嘉定管，後尾又跟到松江府，所以佢啲吳語音韻都係立基於嘉定、松江吳語個音系之上。

近代

1843年上海開埠之後直至中華人民共和國一百年期間，好多人湧落上海（1930年前仲屬江蘇管）揾食，其中大部份係江蘇省人，其次係浙江人。江蘇省人之中，又分蘇南吳人跟江北淮人；而浙江人之中又以寧波人、紹興人、衢州人居多。 蘇南吳人同浙江人一齊影響咗上海話好多。其中影響咗最大嘅係蘇州話跟寧波話，仲有部分借詞來自江淮官話跟英語、法語。喺上海話嘅音系轉變得好大嘅時期當中，傳教士編寫有好多辭書，包括《新字上海土音》（1850）、《英漢上海方言詞典》（1901）、《上海方言常用習慣用語》（1908）等等，之後為今時今日嘅學者提供研究上海話甚至吳語音變提供寶貴材料。

音韻

上海話音系自近代到而家嘅變動好大，所以要分細啲討論。上海話分代有幾種，主要分成老派、中派、新派等。按照沈同（1981）嘅定義，老派指大概1910年代嘅人，新派就指大概1970年代嘅人，而中派就視乎語音特點介於新老派而定。

1990年以降，由於普通話嘅推廣等等原因，新派之後嘅上海話重發生咗部分音位嘅合併同埋字音借讀，呢啲新變化、重未穩定落來嘅音系就統稱「新新派」。

對於晚清時期嘅上海話，一般用具體成書年代界定。

現狀

由於中國共產黨“做文明人，講普通話”政策，依家接近9成上海人唔識講上海話，加上學校講上海話老師會罰錢，學生會體罰