滿洲國國歌

大日本帝國佔領中國東北之後建立嘅附庸國滿洲國曾經喺1933年同1942年制訂過國歌。

1932年草案

1932年3月滿洲國建國宣言頒佈嗰時曾經制定過國歌草案；1932年5月21號，滿洲國體育協會向1932年夏季奧林匹克運動會組委會遞交呢個草案。呢個草案由鄭孝胥作詞、山田耕筰作曲。由於呢首歌嘅歌詞同旋律令國民難以理解，而且歌詞中嘅一句「善守國兮以仁，不善守兮以兵」（意思：應該用仁德治國，唔應該用武力）引起關東軍嘅不快，所以未被選做國歌。1933年正式國歌制定之後，呢首歌改名做《大滿洲建國歌》，1942年之後又叫做《第一建國歌》。

中文歌詞
地闢兮天開， 松之涯兮白之隈。 我伸大義兮，繩於祖武； 我行博愛兮，懷於九垓。 善守國兮以仁， 不善守兮以兵。 天不愛道，地不愛寶。 貨惡其於地兮，獻諸蒼昊， 孰非橫目之民兮，視此洪造。

1933年國歌

大同二年（1933年）3月1號根據同年2月24號簽署嘅國務院命令第四號公佈呢首國歌，由高津敏、園山民平、村岡樂童共同作曲，鄭孝胥作詞。

中文歌詞
天地內，有了新滿洲。 新滿洲，便是新天地。 頂天立地，無苦無憂，造成我國家。 只有親愛並無怨仇， 人民三千萬，人民三千萬， 縱加十倍也得自由。 重仁義，尚禮讓，使我身修； 家已齊，國已治，此外何求。 近之則與世界同化，遠之則與天地同流。

1942年國歌

為咗紀念滿洲國建國十周年，康德九年（1942年）9月5號根據國務院訓令201號公佈新國歌，歌詞由1941年成立嘅國歌委員會集體創作，日本同滿洲國嘅音樂家共同編曲，由山田耕筰同信時潔修正。

日文歌詞	日文轉寫	中文歌詞
おほみひかり　あめつちにみち 帝德は　たかくたふとし とよさかの　萬壽ことほぎ あまつみわざ　あふぎまつらむ	Ōmi-hikari ametsuchi ni michi Teitoku wa takaku tōtoshi Toyosaka no banju kotohogi Amatsumiwaza aogimatsuran	神光開宇宙 表裏山河壯皇猷 帝德之隆 巍巍蕩蕩莫與儔 永受天祐兮 萬壽無疆薄海謳 仰贊天業兮 輝煌日月侔

據附響《滿洲帝國國家公報》關於新國歌內容嘅官方解釋，「神」指天照大神，反映1940年之滿洲國改奉神道教；「神光」指人神，即係日本天皇，話呢句係指滿洲國皇帝「領受神光統治國家」；而第四句「天業」來自《建國十週年詔書》中嘅「宜益砥其所心，勵其所志，獻身大東亞聖戰，奉翼親邦之天業……」，指大東亞戰爭，全句意思係滿洲國國民仰讚大東亞戰爭，希望佢功比日月。