潯陽區

九江嘅市轄區

座標: 29°43′0″N 115°59′0″E / 29.71667°N 115.98333°E / 29.71667; 115.98333

潯陽區粵拼cam4 joeng4 keoi1)係中國江西九江市一個市轄區,面積50km²,2007年人口31萬人。轄7條街道。

  • 街辦:甘棠街道、湓浦街道、人民路街道、白水湖街道、金雞坡街道、向陽街道、濱興街道

編輯

潯陽區係九江市嘅市中心,九江市嘅簡稱「潯」就源自佢。「潯陽」係個古地名,又叫「尋陽」,以前嗌過做「柴桑」、「江州」、「湓口」、「湓城」、「彭蠡」、「德化」,起源於漢文帝十六年(前164年)係江北今日湖北黃梅嘅地方設潯陽縣,「潯」係當時嗰度有條河叫潯水,潯陽即潯水之北。後來晉惠帝永興元年(304年)江北嘅潯陽同江南嘅柴桑合爲尋陽郡,治柴桑,屬江州,結果潯陽個名由江北嘅黃梅轉移到咗江南嘅九江。

亦因此長江經九江嗰段叫潯陽江(又叫尋陽江)。白居易喺送客時偶遇歌女,喺九江長江邊嘅客船度作咗長詩《琵琶行》畀歌女唱,開頭兩句就有潯陽江名:「潯陽江頭夜送客,楓葉荻花秋瑟瑟」。水滸傳入邊宋江因殺人流放江州,喺潯陽江埋岸時識咗班好漢,呢班人就係後來梁山首領,小說都有章「血洗潯陽江口」。又有一首琵琶古曲叫《潯江夜月》,係據白居易首詩而作,後來呢首古曲改編成江南絲竹《春江花月夜》,成為絲竹經典,但個意境取自張若虛嘅同名長詩。

潯陽歷來係州郡府道嘅置地,因為呢道「南開六道,途道五嶺,北守長江,運行岷漢,來商納賈」,亦係個歷代文人墨客遊歷之地,留低深厚文化,人讚「九派潯陽郡,分明是畫圖」。潯陽曾經位列中國四大米市、三大茶市。

編輯