澳新新聞
澳新新聞（英文：TVB Australia NZ News）係一個由香港無綫新聞以及電視廣播（澳洲）有限公司（TVBA）制作嘅電視節目[1]。2017年3月起晚響翡翠台度播出，取代咗之前嘅《澳洲新聞》[2]。節目嘅主持多數都係由TVB新聞台嘅主持兼任。TVB Anywhere 應用程式嘅免費區（澳洲專區）亦都有提供呢個節目嘅重溫。2018年9月14號起，《澳新新聞》喺 TVB Anywhere 盒仔度加入咗點播項目。
內容
編輯節目裏面主要都係講響由澳洲嘅新聞時事（主要集中於新州同埋維州），到香港以至世界嘅新聞都有，而某部份嘅新聞片段係由七台或者澳洲廣播公司提供。但有關人物或地點嘅譯名就會用香港慣用嘅譯名，而唔係喺澳洲華人用開嘅譯名，但好似澳洲總理安多尼·艾巴尼斯噉，就會用返「艾巴尼斯」呢個名，而唔係無綫新聞用嘅「阿爾巴內塞」。
節目中片段撰稿係由 TVB 新聞台嘅國際新聞組編輯負責。
節目完咗之後亦都會播出《天氣報告》，形式同香港翡翠台播出嘅版本相約，但提供澳洲主要城鎮，以及世界主要城市（唔包括香港）嘅天氣。節目亦都係由《澳新新聞》主持同時兼任。之後星期一到五亦會播出《財經快訊》，表示活躍澳股、金價同埋澳元匯價。2018年9月1號之前，《財經快訊》係喺《天氣報告》之前播出。喺2019年3月起，片尾就由電視廣播（澳洲）改咗做 TVB Anywhere。
逢星期三同埋星期五亦都會喺《財經快訊》之後播出《澳洲社區快訊》，2019年1月起嘅《社區及商業快訊》亦都轉咗新嘅片頭動畫。片尾就由電視廣播（澳洲）改咗做TV MEDIA AUSTRALIA。響2024年4月5號同之前嘅就以《社區及商業快訊》嘅名播出，由TV MEDIA AUSTRALIA製作；由2024年4月10號起嘅《澳洲社區快訊》就改返由電視廣播（國際）有限公司製作，之後嘅片尾就改咗做ACE澳華娛樂。
播映日期時間
編輯- 2017年3月份起播出，逢澳東時間夜晚 9:30、凌晨 1:30 以及朝早 8:00 播出。
- 2018年9月1號起，澳東時間夜晚 7:30、11:30（只限二至六）以及朝早 9:00 播出。
- 2020年12月7號至12月31號，澳東時間星期二至六夜晚 11:30 嘅重播改遲半個鐘頭到翌日嘅半夜 0:00 至 0:30 播出。
- 2021年7月23號至8月8號期間，由於要配合 2020 東京奧運，夜晚 7:30 一節提早到夜晚 7:00 播出。
事件
編輯- 2018年8月29號到9月1號，第二節《澳新新聞》多咗TVB字樣，做咗全名《TVB澳新新聞》。
- 2018年9月17號，因為要播出邵逸夫獎2018關係，《澳新新聞》喺無綫翡翠台 19:30 時段暫停播映。