澳門之戰

澳門之戰係中國一戰，喺大明境內，荷蘭同佛朗機之戰，佛朗機卽係後尾叫嘅葡萄牙。此戰係葡荷戰爭入便，喺遠東爭地盤嘅其中一仗。事緣佛朗機人得大明批准，租借澳門定居，同大明貿易，而荷蘭就想取而代之。喺大明天啟二年，卽係一六二二年六月，由荷蘭提督Cornelis Reyerszoon率領荷蘭水師，入侵澳門，而城內嘅佛朗機人就憑城防守抵抗。澳門佛朗機人戰勝荷蘭，荷蘭就打消佔領澳門嘅念頭，轉而進佔臺灣做據點，是爲紅毛城。

記念

得勝花園入便嘅「戰勝荷蘭紀念碑」

為咗記呢場仗，葡萄牙人喺1871年喺打贏荷蘭人嘅地方起碑留念，該大理石碑命名做「戰勝荷蘭紀念碑」，公園都因為咁命名做得勝花園。葡萄牙人又將每年6月24號定做「澳門城市日」，又訂做公眾假期嚟慶祝。