澳門土生葡菜（葡文：Gastronomia Macaense），簡稱土生葡菜，係經澳門土生葡人改良嘅葡國菜，係澳門一個獨特飲食文化。土生葡人會以葡萄牙式烹調方法，再融合中國以及多地嘅烹飪技巧去煮。其中免治、非洲雞、葡國雞、澳門葡撻等係出名嘅土生葡菜之一。
土生葡人美食烹飪技藝喺2012年被列入澳門非物質文化遺產清單，受政府立法保護同埋推廣。
