澳門威尼斯人

澳門威尼斯人（The Venetian Macao）係喺澳門路氹城塡海區金光大道地段，佔地200萬平方呎，開幕嗰陣係全亞洲最大嘅單幢式酒店同埋全球最大嘅賭場^[1]。酒店係威尼斯人（澳門）股份有限公司（下稱：威尼斯人澳門）喺金光大道地段嘅一個重點項目，有齊曬大型賭場、會展、酒店同表演、購物元素。喺正式用之前，第一個試用嘅客人係英超球隊曼聯。第一期工程喺2007年8月28號開幕，夜晚7:18正式對外開放，開幕第一日就有7萬人入去，到第三日已經有差唔多30多萬人次入去^[2]；而喺酒店開幕後第個農曆新年年初六（2008年2月12號），亦即係酒店開幕之後嘅169日就有1000萬個訪客。^[3]。而呢度最出名嘅就係嗰條「大運河購物中心」，係根據威尼斯嘅大運河而起嘅。