澳門漁人碼頭

澳門漁人碼頭（英文：Macau Fisherman's Wharf，葡文：Doca dos Pescadores de Macau）係澳門第一個主題樂園同仿歐美漁人碼頭嘅商場。澳門漁人碼頭喺外港新填海區孫逸仙大馬路對開，鄰近外港碼頭。由何鴻燊同周錦輝投資18.5億澳門幣，用咗5年時間籌備同興建。2005年12月31號由澳門行政長官何厚鏵同漁人碼頭主席何鴻燊揭幕，開始試業，試業一年後喺2006年12月23日正式開幕。

爭議

2014年，澳門城市規劃委員會討論漁人碼頭A地段項目嗰時，有十幾份公眾意見質疑點解工務局只批60米。城規廳廳長劉榕喺會度話，「新發展項目只高48米，60米是前一張街線圖的規劃建議，文化局的非約束性意見也是60米。」當時文化局同工務局城規廳都一致堅持建議限高60米。點知9個月後，上述意見作廢，規劃推倒重來，工務局公示漁人碼頭A地段街線圖，可建高度從原來嘅60米突然放高至到90米，比城規會2014年8月討論嘅規劃方案放高咗三分之一，地積比亦由原來嘅1.7倍加到2.6倍，覆蓋率由42%加到55%，估計可建樓面面積因此增加接近一半^[1]。而文化局喺第二份草圖冇再表達任何意見，引起爭議^[2]。

2017年6月，聯合國教科文組織世界遺產中心分析澳門保護狀況報告後，發表決議草案，嚴厲指出澳門政府對世界遺產保護有好多問題。中心強烈關注發展高樓破壞包括東望洋燈塔在內嘅世界遺產景觀，並點名批評澳門漁人碼頭嘅酒店建築項目^[3]。