濠江花園

濠江花園響澳門半島花地瑪堂區菜園涌邊街、菜園涌巷、菜園涌北街同白朗古將軍大馬路，係屬於房屋局嘅社會房屋。

濠江花園
澳門公共房屋
所屬堂區						花地瑪堂區
房屋類型						社會房屋
房屋用途						住宅
總塔樓座數						5
			第3座
			入伙日子			1987年5月9號
			樓齡			36年
			第4座
			入伙日子			1987年9月5號
			樓齡			36年
			第5座
			入伙日子			1987年9月5號
			樓齡			36年

犯罪

2016年7月14號，有濠江花園住戶反映，濠江花園第五座附近地下發現好多支帶血嘅針筒，懷疑有人從高處抌落來，途人都差啲中頭獎，即刻報警求助。警方到場蒐證之後，已經執走好多支針筒同物品，重記錄在案，暫時冇進一步消息。事件發生之後，有人上傳到社交網站，一度引來網民關注。有網民留言話，5月已經發生同類事件，而且已經報案，但係都冇下文；重有網民話涉事現場附近，多年來懷疑有毒品飯堂，只係因為抌針冇傷到人，所以未見警方採取行動。有附近嘅商戶話，高空抌針筒唔係第一次嘅事，警方曾經拉過兩個疑犯，但係疑犯放返出來之後問題持續，重變本加厲，期望當局加強執法，杜絕呢種情況。呢次事件涉事濠江花園部分座數係屬於社屋，部分住戶或者涉及精神問題、家庭暴力之類，情況好複雜同隱蔽。認為警方日後應該增派警力響街道巡邏，重應該同房屋局、社工局之類相關部門加強合作，適當嗰陣突擊上門巡查可疑單位，設法杜絕高空抌嘢。

意外

1999年4月18號，濠江花園一個單位中央石油氣系統發生爆炸，一個葡藉師奶七成燒傷。

2011年6月18號，澳門響四嗰鐘頭入面，黑沙環海濱花園同濠江花園先後發生兩單跳樓案，兩個男女死亡。現場消息話，濠江花園朝早九點左右，有住戶聽到濠江花園第四座一樓平台傳出好大聲，出去睇下咩事，發現有瞓響血跡到，頭部爆裂。消防到場證實已經死亡，通知司警調查。司警響大廈十八樓梯間，發現相信係死者嘅一對鞋同一張凳，唔排除響嗰到跳樓落來。經調查女死者姓梁，五十三歲，澳門居民，同屋企人一齊住響青洲大馬路嘉應花園，初步認為死因冇可疑。至於點解死者要到濠江花園自殺，就有待調查。兩單案都冇發現遺書。

2012年7月14號晏晝一點左右，濠江花園第四座發生懷疑企圖自殺事件。馬上派人到場調查。治安警同消防員迅即到場，搵到涉案單位嗰時，先知戶主個女因為被老豆沒收回鄉卡，唔准離開澳門，先叫兩個女仔朋友，一齊反鎖響房到。期間用重嘢頂住房門同鎖埋隻窗，有人聲稱要用毛巾焗死自己。治安警見到咁，就立即通知談判專家到場，消防亦將大廈門口對開部分路段封鎖，重移走停泊響封鎖路段泊車區嘅電單車，空出啲地方擺大型救生氣墊，同時派人游繩到間房隻窗出面戒備。事件搞足成嗰鐘，談判專家重未勸到三個女仔開門，消防員就破門入房，成功將三個女仔救出，三個人都冇受傷，唔使送院。