瀛洲生態公園

 瀛洲生態公園（粵拼：jing4 zau1 sang1 tai3 gung1 jyun2） 係中國廣東廣州嘅一間生態公園，喺1998年起好，位置喺海珠區東南邊嘅新滘鎮，小洲村南邊，近小洲路。佢既係海珠區果樹保護區嘅核心地帶，又係廣州市最大嘅農業生態公園。

瀛洲生態公園正門

史

呢間公園原先係小洲村塊地（小洲三圍）。瀛洲，係小洲村嘅別稱。1998年，做公園，覆蓋咗142公頃嘅地，入面超過50,000樖樹。

設施

呢間公園入面有4大設施，分別係：

服務

服務設施係包括咗門樓廣場、休息廊、導航版同休息凳。

交通

交通設施係包括咗主園路、細園路、橋仔同石級。

管理

管理設施係包括咗辦公管理房、圍欄同水電嘅設施。

衛生

衛生設施係包括咗廁所、垃圾箱同河涌清淤泥垃圾。

特色

呢間公園入面有好多個娛樂項目。其中包括咗果林觀光、樹蔭品茗、採摘品果、綠洲放養、河涌捕撈、溪畔釣蟛蜞等田園旅遊項目。入面有嗮自然、寧靜、野趣嘅風味，重有水上、康樂活動、球場、燒烤區同仿古遊戲等鄉村嘅休閒活動。