火爐山粵拼fo2 lou4 saan1)係中國廣東省廣州市嘅一座山,喺天河區入面,324國道南邊;華南快速幹線東邊;岑村北邊;大觀路西邊。呢座山係天河區火龍鳳生態景區當中嘅其一景。

傳說 編輯

傳說喺幾萬年前,孫悟空大鬧天宮時踢翻咗太上老君嘅煉丹爐,結果一嚿爐石從天上跌咗落天河區東北邊。石破天驚之時,成座山着嗮火,山上嘅綠樹繁花即刻付之一炬。好彩南海觀音菩薩經過呢度,發現咁慘嘅情況之後,倒咗樽神水整熄啲火,之後萬物重生。

過咗好多年,由於被焚之地俾觀音神水滋養過,唔單止啲泥變好咗,連花草樹木都靚咗好多。碎石經過長時間嘅磨礪之後,變成一座大山。所以「火爐山」嘅名係噉嚟。

概況 編輯

座山之前係雜樹林區,東北邊屬柯木塱、南邊屬岑村,最高峰係海拔322m嘅白架頂。山林自然資源豐富,加上空氣超清新,負離子含量去到4000幾個/ m³[1]。溪水好清,有好多山泉響度。

景區 編輯

周總理紀念林
沁園
協同林

豬頭石 編輯

豬頭石係火爐山西邊一嚿幾百立方米嘅天然巨石,個樣好似個豬頭昺噉。雖然古代啲書有講遊人嚟過呢度寫題詞,但而家好難認到。

鷄枕石 編輯

鷄枕石係火爐山東邊一嚿似半個波噉嘅天然巨石,個樣好似鷄枕,長29m,闊12m。

古石窿 編輯

古石窿,又叫三間兩廊,由幾嚿大石天然整出嚟,空地長10m,闊8m,可以畀10幾個人入去,結構似當地人以前嘅三間兩廊嘅屋噉,但窿口比較窄。

周總理紀念林 編輯

周總理紀念林係南門附近嘅一個景區。1972年4月7號,嗰時國務院總理周恩來同馬耳他總理D. 敏多夫英文Dom Mintoff一齊嚟咗岑村一帶走訪,重睇咗當地嘅小學、粉廠、衛生站、花果山、水田、池塘、魚塘,及農機站。嗰時岑村捹甩咗「窮」字,成為出嗮名嘅先進代表。周總理為咗記得岑村嘅高速發展,喺火爐山南邊搞咗個岑村紀念林。

出入口 編輯

而家嘅火爐山一共有6個出入口,分別係:

出入口 詳細位置 開放時間
(UTC+8)
可唔可以畀機動車入 門類
西北
鳳凰山賓館門 廣東省龍眼洞林場部門入面   06:00——19:00    唔畀 半正規門
龍眼洞門 324國道嘅銀湖工業區附近   24個鐘開放    唔畀 山門
柯木塱門 324國道華美路口正對面   24個鐘開放 正北門    唔畀 正規門
東北
高塘石門 324國道嘅柯木塱北路附近   06:00——22:00 正東北門    可以 正規門
凌塘村門 中移動南方基地附近 File:FoLouSaan - Entrance LingTongCyun (EAST GATE).jpg 24個鐘開放 正東南門    唔畀 正規門
岑村門 柯木塱南路附近,近華觀路   06:00——22:00 正南門    可以 正規門

編輯

  1. 炉山负离子是办公室80倍 上班族多去洗洗肺. 南方网. 2011-05-25. 原著喺2019-06-10歸檔. 喺2011-05-25搵到.