無印良品
呢篇文講日本品牌。想搵其他似名嘅嘢嘅話，請睇無印良品 (搞清楚)。無印良品（日文：無印良品／むじるしりょうひん Mujirushi Ryouhin），係由株式會社良品計劃（日文：
簡介 編輯
無印良品誕生喺1980年。創立初期，全面檢視商品嘅生產流程，唔添加多餘裝飾，提供機能實用而且價格合理嘅商品。基於「嚴選素材」、「檢討製程」、「簡化包裝」三大原則重新審視商品價值。例如，省略咗紙漿漂白嘅流程之後，紙張顏色變成淡米色。無印良品將佢哋用喺包裝材料同標籤等用途。無印良品從此打造咗一個極其簡單而且新穎嘅商品系列。同市場上出售嘅其他品牌商品形成鮮明對比，影響咗日本以至全世界，喺引起共鳴嘅同時亦得到廣大嘅消費者認同。
無印良品商品嘅特性係簡約同素樸。盡佢可能嘅合理化生產流程所生產嘅產品，雖然相當簡單，不過又唔係最細限度主義嘅型態。
無印良品全球店鋪數量目前已經超過700間，商品種類高達7000幾種，遍及服飾配件、生活雜貨、音響、食品以至美妝保養文具各層面嘅生活領域。
爭議 編輯
新疆棉風波 編輯
新疆維吾爾族人受到中共嘅大清洗，受到迫害、強迫勞動、宗教歧視等議題，喺2014年起開始受到關注。而喺2021年3月，多個國際品牌發表聲明批評中國強迫新疆維吾爾族人勞動，因此唔再用新疆棉花。事件引起全球唔少關注，但無印良品中國總部就回應中共官媒《環球時報》，話自己並無抵制新疆棉，而且一直有用，結果第二日公司股價急跌，一日內蒸發229億日圓[1][2]。
參考 編輯
- ↑ 〈中國無印良品昨稱仍用新疆棉 母公司今改口：嚴正關切當地人權問題 | 國際〉. 《新頭殼 Newtalk》 (中文). 2021-03-26. 喺2021-03-28搵到.
- ↑ 〈【新疆棉風波】無印良品總公司今改聲明 股價一天內蒸發229億日圓〉. 《鏡週刊 Mirror Media》 (繁體中文). 2021-03-26. 喺2021-03-28搵到.
