照母

照母（粵拼：ziu3 mou5；中古漢語拼音：cjeuh）係中古漢語聲母，係中古晚期嘅聲母，屬齒音嘅正齒音，係全清聲母。佢屬於三十六字母之一。佢嘅形成由兩部分組成，二等韻部分稱爲照二，來自莊母，三等韻部分稱爲照三，來自章母。

喺音韻上，照母同精母、知母唔同，喺晚期中古音佢哋三組分立。到現代發音，佢仲係齒音，好似廣州話呢種唔分平捲脷嘅語言，照母同精母、知母發音一樣。對於梧州話呢種分平捲脷嘅粵語，照母係捲脷音（發成舌葉或者舌面音），同精母（脷尖音）唔同。喺普通話照母基本上係捲脷音，同精母嘅平脷音唔同。