煲蠟

煲蠟就係將蠟燭用金屬器皿裝著，然後加熱，使蠟成為液體，跟住加水，製造火球，好似縱火咁。

原理

普遍嘅蠟燭熔成液態之後，都重會以高溫繼續燃燒，而溫度一般都會高過100度（水滾溫度）。嚮呢個時候加水，水會被高溫瞬間蒸發，轉變成體積較大嘅氣態，從而令到成盒蠟都膨脹。膨脹後因為面積加大，就會燒得更旺。

嚮中秋節，細路哥最有機會玩燈籠、蠟燭、月餅鐵罐，所以煲蠟傷人成日都嚮呢個節日發生。

材料：鐵盒（越大效果越理想，但都越危險）一個、蠟燭四十枝或以上（按鐵盒大細而定）、打火機一個、水約300毫升

額外：手套、長袖衫

首先喺鐵盒道放二十枝點着咗嘅蠟燭，之後等到啲蠟燭熔晒。

之後再放埋剩低嗰啲落去。

燒到啲蠟溶晒之後，就可以倒水落去。

注：倒水落去嘅時候會產生向上升嘅火球，所以千祈唔好放個頭嚮個鐵盒上高。

同埋建議倒水前先着手套同長袖衫，以防俾四濺嘅蠟所傷。