熱引擎
想像以下呢個設計：假想而家有一個煙囪，下面有一缸水，缸水下面有個大火爐煲緊啲水，個煙囪上少少嘅地方有個渦輪，個渦輪－好似水車同風車噉－喺有某啲液體或者氣體流過佢嗰陣會旋轉，當缸水滾嗰陣，啲水會變成好熱嘅水蒸氣，蒸氣會向上陞，然後就會向個渦輪施一股力，只要股力夠勁，個渦輪就會轉－跟住同水車以及風車同一道理，如果將渦輪駁落去某啲機械嗰度，就做到「用熱能帶動一部機械」嘅效果。廿一世紀嘅發電廠好多時就係用一啲大規模嘅蒸氣渦輪（steam turbine），利用上述呢個原理，由燒煤炭或者核能等嘅熱力源嗰度帶動大型渦輪轉動[1]。
攷
編輯- ↑ Thurston, R. H. (1878). A History of the Growth of the Steam Engine. D. Appleton and Co.
 |