爆炸糖

爆炸糖係一種加入經高壓處理二氧化碳嘅糖果，喺製作糖果嘅過程中，二氧化碳隨住烹調食物原材料時嘅溫度同壓力被固定喺糖果裡面；而糖果嘅主要成份有糖、玉米糖漿、乳糖同唔同口味嘅調味料。

喺市面上買到呢類糖果所用嘅調味料，通常都係以生果口味為主，好似士多啤梨、蘋果同橙味等等；亦都會加入受歡迎飲品口味，好似可樂、茶同咖啡等等。

名嘅來由

因為口中溶化嘅細小糖果粒會釋放二氧化碳，做出爆發嘅效果，再加上有霹靂啪啦嘅聲音，所以好多人都叫呢種糖做「爆炸糖」。

獨特口味

由於爆炸糖口味獨特，而今（依家）好多人都鍾意將唔同口味嘅爆炸糖加入唔同嘅食品或者飲品裡面；噉除咗可以令乳酪、蛋糕等食物嘅外觀睇起來更加靚，又可食得更加過癮。