版本控制

版本控制（英文：version control）係指「管理住對一件軟件產品（例如一個寫緊嘅程式）改咗啲乜」呢種功能^[1]。

版本控制最簡單嘅做法係同每個檔案名加返個冧把－即係 XXX V1.0 或者 XXX V2.0 噉。

版本控制相關嘅功能好緊要－事實表明，有咁上下大嘅軟件項目會有數量龐大（閒閒哋幾百幾千）次嘅編輯，而且有陣時軟件工程師仲會（例如）發覺 10 次前吓修改有問題，所以想返轉頭搵返 10 次編輯前嗰個版本；因為噉，軟件工程師正路會想有套系統，清清楚楚噉打理好整緊嗰隻軟件嘅版本。