牙，又叫齒，或牙齒，係喺有脊椎動物嘅顎骨上面嘅結構。
牙質地好堅硬，唔同物種嘅牙有唔同形狀、功能。喺同一物種，唔同形狀嘅牙有各種嘅用途。用途包括撕開、磨爛食物。某啲物種，特別係食肉動物，用牙嚟打交、格鬥。有啲物種，據演化論講，用牙嚟吸引異性。
牙同齒雖則混用咗好耐，然而當初牙同齒有分別嘅。甲骨文齒字，畫口露出上下門牙，而無止字。而金文牙字，就係上下兩隻大牙交錯扣起，字打橫放，即係臼齒[1][2]。
廣東話牙係信用嘅象徵，所有『牙齒當金使』，『實牙實齒』，『講口齒』。話人『講大話，甩大牙』。
想搵部首嘅話，請睇牙部。
牙
