狀元坊

狀元坊（粵拼：zong3 jyun4 fong1）；之前嗌過泰通里（taai3 tong1 lei5*2）嘅名，佢係中國廣東省廣州市入面嘅其中一條好出名嘅內街巷。佢從古代行到而家已經足足有700幾年歷史。呢條內街巷甚至喺國外都有佢咁響噹噹嘅名。而呢條內街巷喺越秀區入面，人民南路同天成路之間嘅位，大新路嘅南邊冇幾遠嗰度。呢條內街巷俾人話成係廣州入面，最出名嘅時尚集中地、後生仔女嘅shopping天堂。佢每日都有超過10000嘅人流經過呢條街。

狀元坊嘅東牌坊

敘述

呢條接有260米長，有5——7米闊，其中最窄嗰邊有2米到。

名

關於呢條內街巷嘅名，到而家就有兩種講法，有人話係之前有間「朱義盛」嘅金銀首飾檔，有人話係宋朝尾嗰陣出咗個狀元。

所謂宋朝尾嗰陣出嘅狀元

睇埋：張鎮孫

張鎮孫喺細個嗰陣好努力學習，到咗12歲就變咗個神童。喺佢15歲嗰陣（1240年）就參加咗鄉試，重攞咗好叻嘅成績返嚟，入咗中舉之後就去咗京師（而家係北京）嗰邊考試。就喺殿試策入面就提出咗「國家以民為脈」嘅嘢，甚至重建議皇帝要有「愛民之仁」，重提出要嚴格對待啲貪官腐敗制度嚟保障民生。喺嗰時，佢都算幾威水下，因為佢攞咗狀元返嚟。而南宋嘅杜宗皇帝重睇啱咗佢寫嘅《殿試策》，話都寫得幾好，之後佢寫咗首詩嚟讚嗰位新科狀元。

嗰時有位嗌賈似道嘅奸臣就爲咗培植勢力，就想扯埋張鎮孫落水，話一定要識得幫佢報恩。點知張鎮孫連句「多謝」都唔講聲就俾奸臣排斥咗佢，結果張鎮孫就自己喺屋企搞嘢喇。

宋朝尾

到咗公元1276年，由於元軍殺到埋嚟，點知南宋政權就輸咗畀元軍，嗰時張鎮孫就激到騰騰震喇，佢就號召咗一大堆人嚟一齊抵制元朝。而嗰時嘅宋端宗就落咗道詔嚟獎佢做軍政嘅任務，最後張鎮孫就整頓軍隊嚟搞掂啲元軍，最後收復廣州。而嗰時文天祥連梅州都收復埋。

點知過咗半年，元軍就捲土重來，重嗌咗好多個兵仔秒殺南宋。雖然張鎮孫又出咗幾千部船喺珠江嗰度猛咁打，但最後元軍重係復仇成功。喺呢場激戰入面，由於冇嗮糧食、加上冇嗮外援。結果張鎮孫寧願自己死咗佢都唔想將成個廣州俾元軍打沉，最後佢俾元軍押到京師嗰邊。就喺押去京師半佬，張鎮孫就自己嬲到喺大庾嶺度自殺。

所謂「泰通里」

雖然話歷史入面同張鎮孫嘅「以城降」有關嘅嘢重一直喺度拗緊，不過廣州人就將張鎮孫嘅故居整咗個狀元牌坊，重將之前佢哋住嘅泰通里改咗嗌「狀元坊」重一直用到而家。

所謂「朱義盛」嘅金銀首飾檔

喺明朝嗰陣，呢條街入面有間嗌「朱義盛」嘅金銀首飾檔，喺佢開舖嗰陣就成日掛塊牌上去嘅，不過呢嚿招牌真係認真麻煩，因為成日差啲就掛唔到咁滯。點知倫文敘就嚟咗呢度就乜衰嘢都冇嗮，之後呢間「朱義盛」嘅金銀首飾檔生意就鬼咁旺。後嚟啲人就作咗個《狀元坊同朱義盛》嘅古仔。

特色

之前呢條街係一直賣刺繡做戲衫褲嘅生意，而家就係賣好多裝飾品同玩具仔，重有大大細細嘅潮流服飾都喺呢度賣；入面甚至重有好多間食嘢嘅舖頭響度。到而家為止，呢條街都好旺。

相關書籍

• 俗话广州 第178页 ISBN 7-80655-150-6/K·18

攷

• “朱义盛”开店 伦文叙挂匾 广州文史
• 泰通里:状元坊 广州路名的故事
• 状元坊 广州英烈网
• 寻访那些奇趣的广州街道名 粤乐旅游网
• 广州一条很有特色的内街-------状元坊 普宁在线