狂躁

  提示：呢篇文講嘅唔係瘋狂或煩躁。

狂躁（英文：Mania），又叫狂躁症，患者會喺一段時間入面進入一種異常精神狀態或者行為，通常會係高漲，突然或者飄忽嘅性質。佢嘅定義係「一種伴有情緒高漲同埋情緒起伏不定嘅過度反應」狀態。喺呢段時間入面，患者嘅情感同埋能量度都會特別容易被刺激或者造成極端改變。呢啲情緒上嘅改變通常係因為周圍環境或者事物有小改動就會產生。因為狂躁現象擁有嘅高漲性質，啲人成日覺得佢係抑鬱嘅相反，但係狂躁之所以叫狂躁就係因為佢可以係欣快嘅感覺亦都可以係程度一樣大嘅憤怒、悲哀或者冇原因嘅害怕。