玄武門之變一場政變,響李淵在位其間,王室爭奪皇帝之位,最後由二仔李世民得皇位,而太子李建成同四仔李元吉死響政變。

由於李淵對自己繼承人嘅問題一再反覆,導致佢三個仔李建成李元吉、李世民之間嘅衝突。事後李淵將皇帝位讓畀李世民,自己退位為太上皇

原因 編輯

早喺唐朝立國嗰陣,李淵就已經立咗大仔李建成做太子。但因為李建成成日沉迷酒色,反而二仔李世民功勛卓著,李淵覺得唔對路,想立二仔李世民。李建成知唔妥,就搵咗細佬李元吉一齊對抗李世民,結果兄弟之間矛盾越來越犀利。

經過 編輯

626年李世民、李建成幾兄弟開始起兵。李世民先行向李淵告密,指李建成同李元吉同後宮有大傷禮俗嘅關係。李淵決定召李建成同李元吉審問。無耐李建成、李元吉入朝,李世民一方面帶咗佢手下尉遲恭長孫無忌房玄齡杜如晦等人入朝見李淵,一方面喺京城玄武門設兵埋伏。李建成、李元吉一入大門,知有唔妥,無耐重見到李世民。李元吉開始用弓箭射李世民,李世民還擊,結果射死咗李建成。李元吉本來想再射李世民,但最後畀尉遲恭射死咗。

李淵知道咗呢件事之後大為震驚,召見咗李世民。李世民要求李淵相讓,最後李世民成功坐上皇位。

影響 編輯

李世民經過呢件事成功登上皇位,是為唐太宗,開創咗「貞觀之治」。