王昊被虐待致死案
王昊被虐待致死案係指喺臺灣2011年發生嘅一單2歲5個月大嘅男童王昊被灌毒虐死嘅案件。案件被揭發嗰陣，王昊被發現棄置喺新店慈濟醫院急診室入面，之後警察拉咗主謀毒販劉金龍、周建輝、許冠雄、鄭盛峰四人，並查出佢哋除咗對王昊灌以毒品外，仲以燒紅鐵釘燙昊昊腳底、以鐵鎚打鼻梁同四肢、尖嘴鉗拔指甲等[1][2]。
關於王昊生前嘅家庭環境
編輯王昊嘅爸爸王昌國因為涉毒品案，2010年底被判刑16年，媽媽潘美芳之後帶住王昊，同有多項毒品前科嘅劉金龍同住[2]。
案發經過
編輯2011年10月，劉買糖果誘拐王昊，帶王昊到友人朋友屋企凌虐，但就呃潘美芳，話小朋友住喺保姆屋企[2]。
喺10月11號至11月1號期間，劉金龍等4人為阻止當時只係幼兒嘅王昊哭鬧，用燒紅鐵釘燙佢腳板底、用鐵鎚打佢鼻樑同四肢、又用尖嘴鉗拔佢指甲等，百般凌虐王昊；仲強灌、注射安非他命、海洛因等毒品，導致王昊昏迷死亡[2]。
雖然佢哋將王昊送醫，但到院前王昊已經死亡[2]。
判刑
編輯一審嘅時候，台北地方法院重判主謀劉金龍死刑，3名共犯無期徒刑等重刑[2]。
但之後經過多次上訴，最高法院去到2013年7月，維持高院判決，認定被告曾將王昊送醫急救，無殺人意圖，又當庭向王昊嘅姑姑王薇君道歉，具悔意、尚未泯滅良心，判決劉金龍30年、周建輝減為20年、許冠雄減為9年，鄭盛峰維持14年，全案確定[2]。