王群 (湖北)

王群（粵拼：wong4 kwan4；簡化字：王群；1926年9月—2017年12月12號）係中國大陸嘅政治人，湖北新洲縣（今日係武漢新洲區）人，中國共產黨及中華人民共和國高級官員。

生平

王群係高中文化。1943年3月參加工作，1944年8月參加中國共產黨。抗日戰爭時期，佢歷任新四軍第5師洪山公學學員、實驗中學會計，鄂東軍區、中原局財經委員會、新四軍5師14旅41團會計。

第二次國共內戰時期，佢歷任陝西雒藍（雒南、藍田）支隊、獨立旅2團技術書記，江漢軍區獨立旅政治處宣傳幹事、中原軍區江漢獨立團政治處幹事。

中華人民共和國成立後，佢歷任湖北軍區政治部組織幹事、人民武裝部副科長、組織動員部副科長，湖北省兵役局科長，武漢軍區司令部動員部科長、副部長，中共襄陽地委常委、副書記兼中共襄陽縣委書記，宜昌地區革命委員會副主任、主任，中共宜昌地委常委、第一書記，中共湖北省委常委、副書記，中共武漢市委第一書記，內蒙古自治區黨委書記。1993年5月至1997年1月任內蒙古自治區第八屆人民代表大會常務委員會主任，並任黨組書記。

佢係第八屆全國人大代表。中共第十二屆中央候補委員，第十三屆、第十四屆中央委員，中共十五大代表。

王群於2017年12月12號喺湖北武漢病逝，終年91歲。