王聖堂粵拼wong4 sing3 tong4)係中國廣東廣州嘅地名,喺越秀區西北邊嘅廣園西路中間,而家屬礦泉街道

王聖堂嘅牌坊(廣園西路附近)

編輯

王聖堂鄉嘅原名源自「黃鱔塘」,係因為隔籬嘅蓮塘猛咁出産黃鱔而改成噉嘅名。但後嚟演變成「王聖堂」已經無從考證,不過有兩個版本都係圍繞「不雅用名」嘅古仔:

兵營將軍話不雅用名

舊時村東邊有間兵營,入面有位將軍話「黃鱔塘」個名唔係幾好而改名做「黃勝堂」,後嚟因為粵語同音演化而變成「王聖堂」。

乾隆皇帝話不雅用名

乾隆皇帝有一次下江南時經過「黃鱔塘」,認為呢帶依山抱水,風景好靚,用「黃鱔」個名唔係幾好,最後提筆賜名做「王聖堂」。

概況 編輯

王聖堂個村99%啲人都係何氏,唔係王氏。最先喺15世紀中葉,先祖何雲騰帶咗好多族人嚟咗個村入面住。而家呢個村係名副其實嘅城中村,除咗有本村村民外,重有堆貨運場同大型倉庫喺入面。

編輯