玫瑰月係天主敎獻畀聖母瑪利亞嘅月份，通常響西暦10月，基督徒會諗《玫瑰經》，效法聖母嘅德行同請求佢代禱，同埋指導信徒點樣信從同依靠基督。
玫瑰月源於《玫瑰經》。12世紀，聖母顯現畀聖道明，揸住串珠，敎聖道明點樣用串珠唸《玫瑰經》，同埋為陷入異端嘅人祈禱。不過亦有人考據係15世紀另一位普魯時嘅道明受聖母啟示所發明。
1571年，歐洲畀入侵，敎友誠心念《玫瑰經》，所以得到聖母幫手，10月7號大獲全勝，敎會就定呢日做玫瑰聖母節。後尾聖母又響花地瑪顯現，叫自己做玫瑰經之后。所以敎會就定10月做玫瑰月，鼓勵敎友唸多啲《玫瑰經》。
