黃金海岸水上樂園

黃金海岸水上樂園（粵拼：wong4 gam1 hoi2 ngon3 seoi2 soeng6 lok6 jyun4）係中國廣東廣州嘅大型泳池，1952年起好，位置喺海珠區濱江東路543號（海印公園東邊嘅珠江邊）。佢亦係廣州最早嘅三大泳池（另外兩間分別係西郊泳場同沙面泳場）之一^[1]，亦係廣州唯一喺城區入面有大型水上遊樂場嘅泳池^[2]。

黃金海岸水上樂園嘅部分設施

滑道

衝浪池

標準池

史編輯

間嘢喺1952年成立，初期嗌做青年泳場。不過嗰時得個沙灘池，啲水攞嘅係珠江啲水，入面重有條風雨長廊響度。期間一直為咗全民健身而堅持對外開放。1972年搞改造時整咗個兒童池同標準池兼改名做珠江泳場^[3]。1973年成立咗個業餘體校嚟推廣游水運動。直到1980年代初，由於珠江受到嚴重污染嘅關係，令泳場方改用咗自來水而繼續生意而打響咗「珠江泳場」個招牌。1993年又從美國引入咗先進嘅設備而將原先單一嘅泳場改成有遊樂、休閒、表演喺埋一齊嘅市區大型泳場。2001年重被評入「中國游泳協會指定水上健身樂園」^[4]。

不過花無百日紅，泳場喺2008年底試過產權問題拗數，雖然喺2009年6月1號開畀人入去游水，但無耐又閂門搞大裝修^[1]，直到2010年6月1號改名做黃金海岸水上樂園而重新開放^[2]。