班長 (學校)

班長係學校裏面負責協助老師處理班務、維持課室秩序嘅學生，可以由班主任揀選或由全班同學投票選出。

職責

每間學校班長嘅職責都有啲分別，通常係負責以下職務：

• 收集同點算功課簿，填寫欠交功課學生名單。
• 將收集好嘅功課簿交到老師指定嘅地點。
• 協助老師維持班內秩序，尤其是轉堂或者老師暫時行開嘅時候。
• 協助老師處理班內事務，例如：派通告、功課簿等。
• 有同學喺上堂嗰陣唔舒服，陪嗰位同學去醫療室。
• 當老師、校長或嘉賓進入課室嘅時候，嗌口號帶領同學敬禮。
• 負責課室裏面嘅設施，例如：窗門、風扇、冷氣、燈掣等嘅開閂。