現貨外匯

現貨外匯jin6 fo3 ngoi6 wui6（Foreign exchange spot）可以話係最直接嗰種 forex 買賣方法：喺呢種 forex 交易當中，買賣雙方要決定好個價，而個價通常會係睇佢哋交易嗰陣嘅市場價值嚟定嘅；講掂數之後佢哋就會郁手買賣，雙方都會喺一至兩日（講緊工作日）之內收到自己要收嗰筆錢（買家收到佢買嗰筆外匯，賣家收到買家畀嘅錢）－至於「買賣現貨 forex 會喺一日定兩日之內交收」，就視乎通貨而定。現貨係咁多種 forex 買賣方法之中最快搞掂嘅。