琉球國

琉球國（lau4 kau4 gwok3，喺琉球語入面叫做琉球國，拉丁譯音Rūchū kuku）係琉球史上第一尚氏王朝同埋第二尚氏王朝呢兩個朝代嘅統稱同佢哋嘅國號，佢亦都係早期三山時代同山南、中山、山北三個王國嘅對外自稱，1429年已經存在。

古琉球國嘅地理位置喺台灣同埋九州之間，主要係琉球群島一帶，首都首里。佢曾經同中國嘅明、清兩朝朝貢。喺薩摩藩入侵呢個國家之後，佢亦都同日本嘅薩摩藩同江户幕府朝貢。古琉球國曾經受到諸島外部勢力（元朝）嘅好多次入侵，特別係1609年（明朝萬曆三十七年，日本慶長十四年）薩摩藩入侵之後，薩摩藩就控制同干涉琉球國嘅內政。琉球國因為佢咁特殊嘅地理位置而成為東北亞同東南亞之間嘅貿易中轉站，貿易好發達，又叫「萬國津梁」。

1871年日本喺全國實施廢藩置縣，琉球國俾人當做令制國，被編入鹿兒島縣。1872年琉球國俾人改做琉球藩。1879年3月11號嘅第二次琉球處分，琉球藩俾人廢除，編入鹿兒島縣，同年日本又設沖繩縣。自此，日本同琉球合併，琉球從此被分為沖繩縣同鹿兒島縣。