田棋

田棋（粵拼：Tin⁴ kei²）係一種喺廣東陽江嗰頭流傳嘅兩人跳棋遊戲。

棋具

• 棋盤係五乘五縱橫線交叉，一共廿五個棋點。
• 用兩隻色嘅棋區嚟分敵我，每方有十二隻棋。

棋規

• 啲棋擺喺棋點嗰度。每方有六隻棋放喺離己方最近嘅底橫列同次底橫行嘅左右兩邊，其餘六隻置埋一邊。
• 任何棋都要沿縱橫線郁。
• 每個回合個玩家可以用一隻自己嘅棋揀以下兩種行動之一：
  • 串食：跳過兩隻相連嘅敵方棋降落係同方向嘅緊連空點，冇得連跳。郁完之後再將兩隻敵子移走。
  • 走子：沿線到空嘅鄰點。
    • 擔吃：無論係跳食定係走子，當自己嘅棋去到兩隻同線敵棋嘅中間，就將兩隻敵棋移走。
• 消滅所有敵棋嗰一方就贏。