由上至下同由下至上設計

由上至下設計（top-down，粵拼：粵化口語音：top1 daang1）同由下至上設計（bottom-up，粵拼：粵化口語音：bot1 tam1 ap1）係指設計一個系統嘅兩種處理方法；由上而下係指宏觀至具體，即係由成樣嘢嘅整體概念開始，粗略拆成構成佢嘅子系統或者步驟，直至成個問題拆到解決咗為止，而由下至上係指具體至宏觀，即係由最細嘅步驟點做開始諗，再逐步諗點樣將呢啲細嘅步驟組合成為大啲嘅步驟或者系統，直至構成咗需要設計嘅系統為止。另外亦有所謂同時由上至下同由下至上嘅設計。

例如喺軟件工程，由上至下可以係指首先整一個冇實際功能嘅用家介面嘅原型，然後先諗啲功能要點寫源碼先實現到出嚟，而由下至上就係指一開始就寫最底層嘅源碼，之後先將寫咗嘅源碼砌埋一齊成一個整體。

睇埋

• 複雜系統
• 認知
• 感知，例子可以睇吓不專注視盲嘅現象。