A型H1N1流行性感冒病毒
(由甲型H1N1流感跳轉過嚟)
甲型H1N1流行性感冒病毒即係A(H1N1)，係甲型流行性感冒病毒嘅一個亞種，亦都係引起人類流行性感冒嘅最常見嘅病毒。有啲H1N1引起區域性人類傳染病，好似1918年大面積流行性感冒，死咗50–100萬人。毒性較細嘅H1N1變種野外有存在，引起各種小範圍嘅感冒同較大範圍嘅季節性流行性感冒。2006年嘅感冒感染差唔多過半都係H1N1引起嘅[1]。仲有一啲H1N1變種會引起豬型感冒同禽流感傳染。
2009年3月～5月，墨西哥同美國嘅豬型感冒就係A型H1N1病毒引起嘅[2]，幾千人感染，死咗百零人，傳播到幾十個國家同地區，引起驚恐。好多國家宣布禁止入口北美豬肉同豬肉製品。為咗減少誤解，世界衛生組織宣布改2009年墨西哥豬型感冒個名做A型H1N1流行性感冒，七月再改咗做2009年H1N1流感大流行。