留產所

留產所（英文：maternity home）係畀大肚婆生仔嘅地方。雖然無產科醫生，然而有助產士接生，所以安全過喺屋企生，而且價錢平過醫院產房。專門產科，有產科醫生長駐叫產科醫院。

留產所個「留產」同「流產」同音，所以好多人會誤會係流產所。

各地

香港

香港舊時出生率高，而醫院唔夠醫生做，所以有助產士接生。有政府開留產所，更多係私人留產所。另外舊日風氣保守，產科醫生多數係男醫生，婦女唔願意畀男人接生，所以亦會去留產所。現今多數都醫院生，留產所亦式微。一九八八年三月卅一號，香港最後一間私家留產所執笠。

日本

日本稱之為助産所或助產院，助產士稱之為助産師。