番山

番山係喺秦朝同漢朝嗰陣，廣州市入面嘅其中一座山仔。而呢座山仔就係響家陣文德路嘅中山圖書館舊址嘅北邊、「九思亭」嘅附近，中山四路嘅南邊。喺明朝嗰陣嘅羊城八景入面講到嘅「番山雲氣」就係喺呢度。不過唔講你唔知，一話就嚇餐懵。因為番山呢座9——12米高嘅山仔喺長時間入面，都被好多間建築包圍嗮，搞到啲人根本就睇唔到出嚟。後嚟經過咗裝修到咗2011年，呢座山仔已經出咗嚟。

點解座山會俾人剷咗？

呢座山雖然話喺秦朝同漢朝嗰陣係比較高嘅，但係到咗唐朝滅亡，五代十國開始嗰年（公元907年），有位嗌「劉壟」嘅南漢皇帝就為咗將個廣州城整大佢，結果將呢座山剷咗。

所謂「九思亭」

而所謂嘅「九思亭」（後嚟改咗幾次名，嗌過「龜崗亭」、「番山亭」呢啲咁嘅名嘅），就係響依家嘅孫中山文獻館後面座山仔上面，而呢座亭就係喺南宋時期嘅乾道三年（1167年）嗰陣起嘅。而呢座亭到依家為止都重響度。

連出去

• 番山亭见证广州城市起源 圖驥網