白中仁

白中仁（1960年9月—2014年1月4號）係中國中鐵執行董事、總裁，高級工程師，陝西合陽縣王家窪鄉伏蒙村（家下屬於百良鎮）出世。

1983年9月，白中仁喺蘭州鐵道學院（家下蘭州交通大學）畢業，之後分到鐵道部第一勘測設計院（家下中鐵第一勘察設計院），從事鐵路勘測同埋設計嘅工作，先後參與咗侯月鐵路、寶中鐵路、神朔鐵路、朔黃鐵路、西康鐵路、西合鐵路、西韓鐵路、西延鐵路、神延鐵路等十幾條中國幹線嘅勘測同埋設計。

2007年9月，白中仁做咗中國中鐵執行董事，2010年6月做公司總裁。2014年1月，中國中鐵發公告話白中仁喺2014年1月4號因為意外過身。