白羅斯國徽

白俄羅斯國徽（白俄羅斯文：Дзяржаўны герб Рэспублікі Беларусь、俄文：Государственный герб Республики Беларусь）響1995年白俄羅斯全民公投通過後被人開始用，取代咗原有嘅柏康里亞（英文：Pahonia）徽號。國徽上面嘅彩帶圖案用咗同白俄羅斯國旗一樣嘅顏色，另外又有白俄羅斯版圖、小麥穗同埋紅色五角星等圖案。白俄羅斯國徽有時畀人叫做「白俄羅斯紋章」，不過因為國徽無咗一啲紋章學嘅元素，所以呢個係唔正確嘅稱呼。而家嘅國徽受到白俄羅斯嘅前身，即係白俄羅斯蘇維埃社會主義共和國嘅國徽影響到，兩者都因為咁樣而好似。除咗佢之外，唔少好似馬其頓共和國、塔吉克斯坦、烏茲別克斯坦同埋德涅斯特河地區等等而家用嘅國徽或者徽章，設計上都有前蘇聯時代嘅影子。