白雲樓魯迅故居

白雲樓魯迅故居（粵拼：baak6 wan4 lau4 lou5 seon3 gu3 geoi1）係中國廣東省廣州市嘅一間民國建築，喺越秀區白雲路同廣九三馬路之間。呢間嘢之所以出名，係因為民國時期，魯迅嚟廣州嗰陣喺呢度住過。

名

因為呢棟樓喺白雲路嘅西南邊，所以叫「白雲樓」，又由於魯迅呢位名人喺呢度住過，所以夾埋一齊叫「白雲樓魯迅故居」。

白雲樓1924年起好，係3層樓高嘅郵局宿舍，1927年3月29號到1927年9月27號期間，魯迅就由中山大學搬咗嚟呢度嘅2樓嗰度住。期間，佢編訂咗《朝花夕拾》同《野草》，寫咗《略談香港》同《可惡罪》。