想搵第二個意思嘅話,請睇百步梯

百步梯,係喺廣州花縣嘅一個古老梯級,喺梯面鎮民安村北側山谷入邊。條梯係喺清康熙二十一年(1682年)廣東巡撫李士楨派兵鎮壓花山寨陣,拓闊起嘅。 2008年畀廣州市人民政府公佈做廣州市文物保護單位,記名係百步梯遺址

百步梯遺址
廣州市文物保護單位
喺邊花都區梯面鎮民安村
古遺址
時代清代
登錄2008年12月19號
地圖

地理 編輯

呢一帶群山因清代吳萬雄嘅花山寨起義,畀統稱做花山。地處花縣東北群山入邊,東北同從化接壤,西北毗鄰清遠,係聯繫粵北同廣東省城間嘅交通要道,舊陣時清遠、從化、花縣等地嘅鄉民上廣州都係會用呢條路。梯面鎮建立初係叫「百步梯林場」,因地處百步梯上邊,後尾建制就改叫「梯面」。

編輯

清順治四年(1647年),吳萬雄自循州(而家嘅廣東惠州)帶咗大隊人馬佔據咗盤古峒(而家嘅花縣梯面鎮一帶)聚義,號稱「花山寨」,憑藉險峻山嶺對抗官府,1682年李士楨就籍此起梯面山路,送兵攻打花山寨[1]

道光二十年(1840年),縣令包錦燦重修呢條路,自下而上鋪咗麻石成366級,長256米,望上去就好似雲梯咁,就有咗「百步梯」嘅名。

1938年日軍佔領花縣老城區後,原預想由百步梯攻上梯面,駐守官兵就拆咗百步梯中段石級搞防禦工事,抵擋咗日軍嘅多次進攻。

1945年光復後,巴拿馬歸僑蘇彰保聯合部分華僑捐資,修復咗戰時拆咗嘅梯級。

1965年,搞水利工程同築盤山路拆走咗部分石級,剩低咗中段120米長嘅大概130個石級[2]

古仔同觀光 編輯

百步梯遺址而家係高百丈風景區入邊嘅一部分,高百丈屬於花縣八景之一,號稱「百丈晴巒」,以遍佈奇石怪岩而出名聞名。「高百丈」一帶傳聞係好耐以前係瑤族嘅盤古國,明代横潭瑤族首領譚觀福同眠花山寨,都話係喺同一度起事嘅[3]

睇埋 編輯

參考 編輯

  1. 羊城古驿道拾遗——花都百步梯古道遗址 2018-02-05 南粵古驛道網 孙海刚,广州市岭南建筑研究中心 ;广州市国土资源和规划委员会推荐
  2. 古道隐于山 茶亭觅旧踪-寻访乡间古驿道:百步梯、钱岗古道、溉洞古道 互聯網檔案館歸檔,歸檔日期2018年5月31號,. 廣州文史
  3. 高百丈风景区 博雅旅遊網