愛新覺羅皇太極（1592年11月28號—1643年9月21號），係第二位大清（後金）皇帝，史稱清太宗。1636年佢將「大金」（後金）改國號為「大清」，改元崇德，所以又叫崇德皇帝。
皇太極在位期間，發展生產，增強兵力，為後嚟大清迅速擴張入主中原打下咗堅實嘅基礎。
死後謚號叫做應天興國弘德彰武寬溫仁聖睿孝文皇帝，經歷康雍乾三朝，累加謚號叫做應天興國弘德彰武寬溫仁聖睿孝敬敏昭定隆道顯功文皇帝。
