盤福立交

盤福立交（粵拼：pun4 fuk1 laap6 gaau1）係廣州一座立交，連通東風西路、盤福路同海珠北路，附近有越秀區東風西路小學（東風西校區、盤福校區）、廣州醫科大學同廣州市第一人民醫院，立交上面有迴旋處。

交通規例

如果從東風路由東往西上立交，就淨係俾小車行，而且衹可以掉頭。盤福路由北向南上立交上層唔準直接右轉落東風路，需要行下層（電車例外）。

喺20世紀90年代初嗰時東風路話快速化之後，由於東風路中間有鐵欄，所以東風路由東向西行嘅車無辦法直接左轉入解放路，所以一般都要兜入盤福路再上盤福立交。由解放路北向南行嘅車要左轉入東風路同樣要先經盤福路。重有，由人民路嘅南邊嗰度嚟啲車諗住過去流花湖公園或友誼劇院、廣州火車站、東方賓館嗰邊都係要先轉右入東風路，上去盤福立交嗰度掉頭。由解放路南往北行嘅車如果想左轉入東風路，都要兜六榕路、百靈路、海珠北路入盤福立交。所以實際上盤福立交雖然唔直接通解放路，但係好多經過解放路東風路口嘅車都要上盤福立交。

歷史

盤福立交係廣州市比較早期嘅立交之一，截至2015年至少有廿幾年歷史。