看我今天怎麼說
《看我今天怎麼說》(英文:The Way We Talk;粵文直譯:睇我今日點樣講)係未上畫嘅香港電影,由黃修平執導,游學修、鍾雪瑩、吳祉昊主演。故仔用聾人做題材。
套戲喺香港上畫前,戲入面女主角鍾雪瑩已經攞到2024年第61屆金馬獎頒獎典禮最佳女主角獎。
劇情簡介
編輯三位聽障青年,用唔同嘅方式面對自己嘅人生。子信(游學修 飾)自細活喺無聲嘅世界,以做聾人為榮,用手語為聾人自豪;Alan(吳祉昊 飾)揀咗植入人工耳蝸,努力融入健聽社會,雖然講得流利,但都識基本手語,佢同子信自細已經好老友;素恩(鍾雪瑩 飾),自細接受人工耳蝸手術,辛苦學講嘢,即使帶有口音,佢都堅持想融入「正常人」嘅生活。三人因手語而識,成為好友,但喺相處嘅過程中,擦出唔少火花,亦睇到更多生活嘅真相。面對外界嘅偏見同唔公平嘅制度,佢哋喺聾人群體嘅暗湧中掙扎,追尋突破聲音隔膜嘅可能性,最終又可唔可以搵到屬於自己嘅答案呢?