短路（粵拼：dyun2 lou6）係電學同機電工程嘅專業名詞。一般形容直接將導線接喺電源且冇任何電器或電阻接通時，或喺正常電路入面，電動勢唔同嘅兩點且錯誤直接對接或阻抗太細嘅導體接通時出現嘅故障情况。喺機電學入面係種好危險嘅做法，所以呢種電路絕對唔畀接入。因爲噉接法，根據歐姆定律，相當於電阻嘅阻值係0，電流值相當於正常電壓除以0得出嘅數（去到奇點），即使係世界上抗流最大嘅電流錶都完全頂唔順。講得嚴重啲，輕則會損壞電氣設備，重嘅會產生過熱、電路損壞、火燭、爆炸其一嘅可能性。
