石井橋
石井橋（粵拼：sek6 zeng2 kiu4）喺廣州市白雲區石井鄉石潭路，係清道光十一年（1831年）起嘅五孔石樑橋。橋保存完好，而家重用得。2002年7月，定為廣東省文物保護單位。
| 石井橋 | |
|---|---|
| 廣東省文物保護單位 | |
 | |
| 喺邊 | 廣州市白雲區 |
| 時代 | 清朝 |
| 冧 | 4-59 |
| 登錄 | 2002年7月 |
| 地圖 | |
形制
編輯橋東西走向，長28米，橫跨石井墟邊嘅石井河。橋兩邊有石欄。原先兩邊橋腳都有亭，歇山頂，綠琉璃瓦，西亭起馬路拆咗，得東亭響處。兩邊橋頭石望柱刻住「道光歲次辛卯」、「石門周合盛造」。橋東石望柱陰刻對聯「彼岸逢黃石 橫江映白沙」；橋西嗰邊係「好進仙人履 能通駟馬車」。橋墩前後有分水尖。
史
編輯清咸豐九年十二月初一（1859年1月4號），幾千個紅毛番鬼嚟石井鄉騷擾百姓，廣州城北啲社學組織民眾抵抗，後尾班紅毛番要退返廣州城。
家陣橋南從西數過第五塊石欄板上邊，重留低英軍砲彈整穿嘅窿。
攷
編輯- 陳建華 等編 (2008)。《廣州市文物普查彙編·白雲區卷》。廣州：廣州出版社。頁 第459頁。 ISBN 978-7-80731-663-3