石牆樹

  提示：呢篇文講嘅唔係石牆花。

石牆樹（粵拼：sek6 coeng4 syu6），又嗌飛榕（fei1 jung4），係由石牆罅生出嚟嘅樹，多數都係有粗壯嘅根嘅榕樹。

石牆樹

早期嘅石牆因為喺石塊之間有罅，榕樹等等生命力頑強嘅種子就會喺石罅中生出苗。呢啲樹苗雖然生喺路邊嘅石牆，但由於冇阻到路人同經過嘅車，又可以吸收石牆內嘅水分，抓實石牆令土坡更加鞏固，較難因積水過多而崩塌，因此一直冇人刻意清理。過咗一段長時間之後，就會生成一幅高大嘅石牆樹。

由於石牆樹唔容易打理，所以有啲會受強風影響吹倒，有啲會畀政府斬咗以除後患，所以已經買少見少。