砵蘭街（英文：Portland Street）係九龍油尖旺區一條街，個名喺1927年改，以記念英國波特蘭公爵。傳說有好多社團人士嚮處做生意同埋住緊。砵蘭街係油尖旺舊住宅區，條街有好多廣告招牌燈箱，夜晚著晒燈好有電影Feel。
喺一啲香港人心目中，砵蘭街係紅燈區，但其實砵蘭街有好多第二啲舗頭，包括二手書檔、唱片舗、食肆、洋服店同埋長生店等等。
